20/7 - 22/7 日本最北：稚內

20/7 宗谷岬

一清早係富良野站搭JR衝去日本最北既稚內站...
用左成4個幾鐘...

話說搭搭下車見到周圍都係棉花糖...

後尾google返完來叫做牧草ロール，
係俾牛食既食物,,,

跟住開始不斷被"日本最北"洗腦...
雖然係咁講，其實如果計埋北方諸島落日本板圖既話，択捉島先係最北...

最北車站

最北鐵路

然後去旅館放低完行李就即刻衝去左宗谷岬

巴士一日得6,7班，錯過左起碼要成個鐘...

首先係最多人去既日本(正常人可到達既)最北端石碑

最北食堂

最北廁所・飲水機

望完依張地圖之後有衝動想去埋本土最西同南端，不過google下之後發現，

最西端係星期六日去唔係太方便，

最南端直頭冇交通到到，要自己租車...

所以唯有兩個都放棄...

anyway我既重點係放係JR站，所以冇所謂啦...

最北手信舖 (最北証明書￥108)

跟住回程果陣早幾個站落車，去日本最北麥當勞

藍藍路唔肯望鏡頭...

然後因為稚內夜晚巴士極疏，
我食完M記果陣要等多40分鐘先有巴士到，
所以決定直接行返旅館算...

21/7 利尻島・礼文島

雖然琴日郁左好多超攰，
但係聽天氣報告講，22號會落雨，唯有今日超早起身睇日出...
上網就話3:57分日出既，不過我都等到4:07先有野出黎

P.S. 依度係稚內公園既氷雪の門，
由車站行上去大約25分鐘到啦...

防波堤 (雖然我唔係太明有咩特別...)

返旅館補眠左個半鐘之後又要出發lu...

今日既行程係...

首先用成萬yen買船飛同觀光巴士飛...

去左利尻島先

利尻島係個火山，然後冬天有雪果陣有人覺得佢似富士山；

所以有人會叫佢做「利尻富士」

(不過用廣東話讀個名都係有啲...)

係對面海既礼文島

支雪糕係用はまなす花整既，

之前上北海道特急はまなす果陣都知佢係花名,

但係唔查都唔知佢係一種玫瑰花黎...

順帶一提依個角度既利尻山就係白色戀人個背景相既角度黎

去有一個海岸spot果陣，有一隻雀靈靈舍唔係太驚人

原來佢慣左啲人會去一間海產舖買野餵佢食

唔怪得咁肥啦...

不過佢個樣真係幾chok

依張相有段故

1912年利尻島既居民突然見到一隻熊上左岸(利尻島本身冇熊)

所以大家都好驚奇隻熊游咁遠水走到黎個偏遠小島

（不過更加驚奇既係點解依個偏遠小島1912年已經有相機~_~）

然後就搭船繼續去礼文島lu~

礼文島冇利尻島咁多spot，係個賞花多既地方

話就咁講，可能因為已經夏天，所以花既量同色彩都冇上像之中咁勁

點解叫「最北限」呢

本來啲人以為依度係日本最北，

點知後來有人發現宗谷岬先係最北

（為左唔太樣衰？）所以就改左名叫最北限

乳頭石(原名：桃岩)

貓岩

然後又搭船返番稚內巿

日本最北端既日落

點解睇唔到個咸蛋黃呢?

因為佢日落果陣我太攰訓著左...

係船入面俾我見到張咁既poster

當我見到中間個「燒尻島」果陣真係笑左出聲 XD

夜晚去左副港巿場食晚餐

22/7 ノシャップ岬

天氣報告話稚內成日都會落雨
睇唔到太靚既風景lu...
可能因為我係北海道既所有運係前兩日已經用曬...

住果間旅館叫「氷雪莊」

服務真心一流

特別係個總記理真係好親切

送你去船站/巴士站，又幫你約觀光巴士, etc...

如果住普通酒店一定唔會有啲咁既服務

然後晏畫就向旭川出發～

---

路程 急行/特急/新幹線 料金(￥) 總料金(￥) 20/7/2015 富良野>稚內 特急スーパーカムイ・特急スーパー宗谷 10110 97350 22/7/2015 稚內>旭川 特急サロベツ 8500 105850

---

17/7 - 19/7 富良野・美瑛

22/7 - 24/7 旭川・秋田