11/7 - 13/7 挑Boss前休息・富士山登り

11/7 Hea

10號Summer Course完左，12・13又要爬富士山，所以11號係用左黎Hea既。

順帶一提今日係我第一張JR Pass既第一日。

不過一個星期之前已經換左佢黎預約はなます兩程普通指定席(可惜預約唔到のびのび席，太搶手...)。

一朝早衝左去神奈川縣巡礼（ラブライブ2期11話）

然後飛左新幹線去名古屋搵朋友，順便去左東山公園。
由於成件事太odd所以我都廢是放

12-13/7 富士山登り

其實舊年9月睇ヤマノススメ果陣已經好有衝動去富士山巡礼架啦

成日見到啲宣傳話富士山係世界遺產乜乜乜

我爬完兩日一夜既感覺就係：「可遠觀而不可褻玩焉」

真心覺得好Chur

7月12號清晨4點幾起身，

轉3次車不斷向西衝，

9點幾到富士山スバルライン五合目

買噴火咖哩(聖地巡礼還原Scene)，買金剛杖

朝早11點係五合目出發

學登山少女咁跟住吉田道行～

(死行爛行左好多個鐘之後)

夜晚6點終於到左係本八合目勺既山中小屋 - 御來光館...

食晚餐，訓陣覺，清晨1點半起身

食早餐，已經覺有啲唔對路頭有啲痛同作嘔，

大概係因為間山中小屋入面真係太逼，個個人一齊搶氧氣搞到空氣氧分更加少...
我真心覺得大部分人高山症發作都係係室內而唔係室外囉...
至少室外凍啲空氣應密度高啲應該多啲氧氣(?)

於是就破費用左￥2000既10L氧氣罐 (雖然係可以真係舒援到症狀，但係最後冇用曬...)

點知我出御來光館開始登頂果陣又冇乜事喎。

御來光館係吉田口最高既山中小屋，

不過因為都好多人夜晚登頂，

所以八点五勺上十合目用左成個半鐘先到

御來光：

（手機相機好難影到當時果種氣勢... 見住突然中間有一點光點慢慢越變越大，周圍既雲一齊染成橙色)

然後後面神社既職員大叫左一大堆日文

雖然聽得明但係都唔係好記得內容...

跟住世界一齊大叫"萬歲" ~_~

我會話依兩日天氣基本上係S級好，

只係之後山頂越黎越多霧同好鬼大風，
同我一齊上升既基友勸我放棄繼續上去真・山頂...

所以圍頂一周同上日本最高峰3776米都實現唔到

Anyway, 上左十合目同睇左御來光都算成功登頂啦。

之後去左山頂郵便局寫名信片，因為我真係唔係好想買手信，

所以今次一共寫左17張名信片俾人...

然後就係高潮

爬富士山呢，上山同落山條路係有少少唔同既

吉田下山道由十合目到五合目100%都係依種之字形既火山岩路

一個唔覺意好易仆親

之字形既彎最少有40個

同埋條下山道有啲位個斜度真係斜得好過份，

如果冇金剛杖／行山杖超易仆到...



成條落山道根本係考驗人意志力...
上山果陣用曬所有力氣既人,
我只能話你地真係gg

落左成5個鐘終於到返五合目...

然後搭巴士去左河口湖駅轉車順便同佢地合照

後記

由於支金剛杖充滿我死爬爛爬既回憶，無論如何都想送返香港
但係我窮得淨係可以搭HK Express，
同職員聯絡過之後因為我支野長寛高加埋唔過158cm，所以可以寄倉
於是我就用保鮮紙包包包，再包層紙皮，最外再包多第二層保鮮紙...
支野就暫時放左係我個Host度...

搭回程HK Express返到香港果陣睇下我好唔好運啦...

---

	路程	急行/特急/新幹線	料金(￥)	總料金(￥)
11/7/2015	池袋>国府津		1490	1490
	国府津>根府川		240	1730
	根府川>名古屋	新幹線こだま	8610	10340
	名古屋>池袋	新幹線ひかり	10880	21220
12/7/2015	新秋津>大月		1140	22360
13/7/2015	大月>新秋津	特急かいじ	2590	24950

---

14/7 - 16/7 仙台・青森・根室