14/7 - 16/7 仙台・青森・根室

14/7 正式出發　仙台・福島

今日正式離開東京開始環島遊


首先去左大宮轉新幹線...

去仙台酒店放完野就衝左去福島

311之後好似個香港人聽到福島個字都好淆咁

但係福島縣咁鬼大

其實都唔駛咁驚姐...

原來福島個名係有段故既

福島以前有個湖，

湖中間有個島(宜家係山)，好似係湖底爆出黎咁(吹き島・fukishima)

後尾為左好意頭所以改漢字，變左fukushima

15/7 仙台・青森

離開仙台之前首先去左搵仙台七夕祭既裝飾

因為nico張卡有出現過...

然後就去左車站食仙台特產 - 牛舌

係好食既, 不過我真正想食既原因係因為奈緒都鐘意食...

跟住就飛新幹線衝上新青森>青森, 為左夜晚搭寢台列車

跟住問題黎啦

我晏晝3pm去到青森, 但係架急行はまなす22:08先開車...

放完野落車站Locker(話說好平! 大型Locker平過東京￥100), 唯有周圍亂行...

にこにこ通り

青い海公園
因為日本天皇當年安全地搭船係青森返到橫檳，所以日本有左“海之日”依個假期 :0)

btw係個公園行其實都有少少驚，
因為個公園係海濱公園，萬一有起地震黎出海嘯實走唔切...
好彩冇事發生姐~_~



 然後係吉野家...
香港一定唔會做到依個價錢有咁多野食...
除左條三文魚有少少骨扣左分之後都冇咩問題..

捱左7個鐘，終於等到架はまなす黎啦...

一月果陣搭過北斗星由函館落東京，

所以係列車訓對我黎講都唔係咩新鮮事...

就連架火車頭都好似同北斗星差唔多.

(除左係紅色)

要數はまなす同北斗星最大分別既地方, 應該就係はまなす有普通既指定席，

i.e. 用JR Pass唔駛加錢就可以過一晚夜, 慳返酒店錢

指定席個位可以向後斜120度，前面又有伸縮腳踏，

作為窮人恩物黎講算係幾好架啦

去到函館果陣因為要倒頭駛,

所以換左第二個車頭放係車尾

然後好多乘客同我一樣衝左出車一齊影相...

不過都冇計啦, 

北海道新幹線年尾就通車, 寢台列車好快變歷史

16/7 根室

然後
半睡半醒咁係寢台過左一晚之後終於到左北海道札幌

今日繼續要坐車衝去日本最東...

特急スーパーおおぞら

然後去到釧路駅轉車，坐根室本線慢慢發呆到總站根室

黎到根室之後，當然就係不斷俾"日本最東"既野洗腦啦
雖然佢係自稱係最東，
但係二戰之前日本對於北方領土既択捉島仲有主權，
雖然宜家日本好想否認，
但係佢管治範圍入面根室的確係日本最東...

(暫時係)日本最東有人車站

日本人於北方領土真係好鬼在意...

不過又唔見你地讓返釣魚台出黎~_~?

日本(暫時係)最東燈塔

(暫時係)日本最東車站(/JR站)

返旅館果陣聽到有啲歌聲
走左去條商店街啦
點知俾我撞到佢搞緊盆踊り
雖然全部參加者都係小朋友
不過咁都俾我預到我真係幸運S...

---

	路程	急行/特急/新幹線	料金(￥)	總料金(￥)
14/7/2015	池袋>仙台	新幹線はやぶさ	10680	35630
	仙台>福島	新幹線やまびこ	3680	39310
	福島>仙台	新幹線はやぶさ	3680	42990
15/7/2015	仙台>青森	新幹線はやぶさ	11210	54200
	青森>札幌	急行はまなす	10020	64220
16/7/2015	札幌>根室	特急スーパーおおぞら	11310	75530

---

11/7 - 13/7 挑Boss前休息・富士山登り

17/7 - 19/7 富良野・美瑛