一張圖就表達到我有幾癲。
(雖然好似有最少1/4係最後冇搭到...)
每次去拎張JR Pass劃位，我都會癱瘓人地用黎賣車飛個みどりの窓口。
自問已經好克制，每次最多劃三、四個指定席...
但係好多時啲職員都會搞幾耐...
通常都係依兩個情況：
1. 列車太特別，例如寢台列車/觀光列車，可能連駅員自己都未聽過
2. 鄉下駅既駅員冇乜點幫人用過JR Pass劃位，唔知點樣用部劃位機
(圖中果幾張指定席劃位紙只係寫定架姐...冇一次過拎曬去劃位...)
另外本JR時刻表真心係神器，因為佢係每個出版一次，
有曬所有連埋臨時列車既時間表，
大部分特急/急行既列車編成表都有，
所以超厚（同埋千祈唔好買...因為好快會唔update）
但係查時間黎講真係一流，
尤其是當你搵唔到wifi而又冇data果陣時好有用...
(例如係北海道果啲鄉下車站...)
按：佢其實有出iOS/Android app，不過過左試用期之後就要俾月費，我最後都冇買到...
劃位我好多時都會準備定planB, 因為好多時返工時間既特急/新幹線既空席都超緊張
有時查埋啲慢少少既車(e.g. 新幹線こだま)就可以避免駅員同你講冇飛之後唔知點算～
沒有留言:
張貼留言